یمن، نصر من اللہ کی مختصر تفصیلات، پہلا ویڈیو
یمن کی تحریک انصار اللہ نے سعودی اتحاد کے خلاف جو بے نظیر آپریشن کیا اس کا پہلا ویڈیو جاری کر دیا ہے۔
یمن کی فوج اور عوامی رضارکارفورس نے سعودی عرب کے جنوبی علاقے نجران میں ایک بہت بڑی کارروائی کے دوران جارح سعودی اتحاد کے تین بریگیڈ کو تہس نہس کرتے ہوئے سعودی عرب اور اس کے اتحادیوں کے سیکڑوں فوجیوں کو موت کے گھاٹ اتار دیا ہے جبکہ ہزاروں جارح فوجیوں کو قیدی بنا لیا ہے -
یمنی فوج کے ترجمان یحیی السریع نے ایک پریس کانفرنس میں یمنی فوج اور عوامی رضاکارفورس کی شاندار اور تاریخی کارروائی کی اطلاع دیتے ہوئے کہا کہ جارح سعودی اتحاد کے خلاف نصرمن اللہ نامی یہ کارروائی پچھلے تین مہینے سے سعودی علاقے نجران میں جاری تھی اس دوران پچھلے بہترگھنٹے کے دوران ان کا محاصرہ کرکے جارح سعودی اتحاد کے تین بریگیڈ کا قلع قمع کردیا گیا ہے -
اس کارروائی میں سعودی عرب اوراس کے اتحادیوں کے سیکڑوں فوجیوں کو موت کے گھاٹ اتار دیا گیا ہے جن میں بہت سے سعودی فوجی کمانڈر بھی شامل ہیں -
