یمن میں سعودی ڈرون طیارہ سرنگوں
Apr ۱۱, ۲۰۲۰ ۱۰:۲۵ Asia/Tehran
یمنی فوج اور عوامی رضاکار فوس کے ایئر ڈیفینس یونٹ نے جارح سعودی اتحاد کا ایک اور ڈرون طیارہ مار گرایا ہے۔
فارس خبر رساں ایجنسی کی رپورٹ کے مطابق سعودی اتحاد کے ڈرون طیارے کو صوبہ صعدہ کے سرحدی شہر رازح میں مار گرایا گیا ۔
یمن کی مسلح افواج کے ترجمان یحیی سریع نے ٹوئیٹ کرتے ہوئے کہا کہ جارح سعودی اتحاد نے جمعہ کے روز یمن کے 3 صوبوں البیضاء ، مأرب اور تعز پر حملہ کیا لیکن یمنی جوانوں نے اس کا دندان شکن جواب دیا۔
جارح سعودی اتحاد نے جمعرات کے روز یمن میں 2 ہفتے کیلئے جنگ بندی کا اعلان کیا تھا مگراس کے باوجود یمن پر اس کے وحشیانہ حملے بدستور جاری ہیں۔
