SAHAR

جنوبی سعودی عرب کے علاقے عسیر کی پولیس کا کہنا ہے کہ فائرنگ کے ایک واقعے میں نو افراد ہلاک و زخمی ہوئے ہیں۔

روسی خبر رساں ایجنسی کی رپورٹ کے مطابق سعودی پولیس نے اعلان کیا ہے کہ عسیر کے علاقے میں ہونے والی فائرنگ میں چھے افراد ہلاک جبکہ تین زخمی ہوئے ہیں۔

ابھی تک فائرنگ کی کوئی وجہ نہیں بتائی گئی ہے۔ واضح رہے کہ سعودی عرب اسلحہ درآمد کرنے والا دنیا کا سب سے بڑا ملک ہے۔

سعودی عرب میں اسلحوں پر حکومت کا کنٹرول ہونے کے باوجود سعودی شہریوں کے پاس میں بھاری مقدار میں اسلحہ موجود ہے اور وہ مختلف مواقع پر ان اسلحوں کا استعمال بھی کرتے ہیں۔