افغانستان میں 54 طالبان ہلاک و زخمی
Aug ۲۲, ۲۰۲۰ ۱۰:۴۹ Asia/Tehran
افغانستان کی وزارت دفاع نے کہا ہے کہ قندوز - خان آباد شاہراہ پر طالبان کے حملے کو ناکام بناتے ہوئے 38 طالبان کو ہلاک کر دیا گیا ہے۔
آوا خبر رساں ایجنسی کی رپورٹ کے مطابق افغانستان کی وزارت دفاع کے بیان میں آیا ہے کہ قندوز - خان آباد شاہراہ کی ایک پولیس اسٹیشن پر طالبان کے کل کے حملے کو پسپا کردیا گیا۔
اس جھڑپ میں 38 طالبان ہلاک اور 16 زخمی ہو گئے۔ اس بیان کے مطابق ان حملوں میں کئی علاقوں کو طالبان کے وجود سے پاک کردیا گیا اور بڑی مقدار میں ہتھیار اور گولہ بارود ضبط کر لئے گئے۔
واضح رہے کہ کابل میں لویہ جرگہ کی تشکیل اور طالبان کے قیدیوں کی رہائی کے فیصلے کے بعد طالبان اور افغان فورسز کے حملوں میں اضافہ ہوا ہے۔
