SAHAR

صوبہ مآرب میں سعودی فوجی ہیڈ کواٹر پر ميزائلی حملے کی خبریں گشت کر رہی ہیں۔

 المیادین کی رپورٹ کے مطابق دھماکے کی یہ آوازیں مآرب میں سعودی اتحاد کے فوجی ٹھکانوں پر یمن کی عوامی فورسز اور مسلح افواج کی جانب سے فائر کئے جانے والے میزائلی حملے کی تھیں۔

بتایا جاتا ہے کہ اس حملے میں سعودی عرب اور اس کے مقامی ایجنٹوں کے ہیڈ کواٹر کو نشانہ بنایا گیا ہے۔

اس سے قبل مقامی ذرائع نے مآرب کی جانب سعودی عرب اور متحدہ عرب امارات کی جانب سے بڑے پیمانے پر فوجی سازوسامان روانہ کئے جانے کی خبردی تھی۔

صوبہ ماآرب میں دوماہ قبل قومی نجات کی حکومت اور سعودی نواز مستعفی صدر منصور ہادی کے مسلح افراد کے درمیان جھڑپیں شروع ہوئی تھیں۔

صوبہ مآرب تیل سے مالا مال ایک ایسا علاقہ ہے کہ جس کی سرحدیں شمال میں سعودی عرب سے ملتی ہیں، یہاں تیل کی یومیہ برآمدات دولاکھ بیرل ہے۔