آیت الله حکیم کے انتقال پر عراق میں عام سوگ، ایران کی تعزیت
Sep ۰۴, ۲۰۲۱ ۰۹:۳۰ Asia/Tehran
عراق کے وزیر اعظم نے آیت الله سید محمد سعید حکیم کے انتقال پر عراق میں ایک دن کے عام سوگ کا اعلان کیا ہے۔
فارس خبر رساں ایجنسی کی رپورٹ کے مطابق عراق کے وزیر اعظم مصطفی الکاظمی نے عراق میں آج ہفتہ کے روز عام سوگ کا اعلان کیا جبکہ نجف اشرف کے گورنر لؤی الیاسری نے اس صوبے میں 3 دن کے عام سوگ کا اعلان کیا ہے۔
اسلامی جمہوریہ ایران کے وزیر خارجہ حسین امیرعبداللهیان نے آیت الله سید محمد سعید حکیم کے انتقال پر تعزیت و تسلیت پیش کرتے ہوئے کہا کہ مرحوم نے اپنی تمام عمر ظلم و جور اور ڈکٹیٹر بعثی حکومت کے تسلط پسندانہ اور استبدادی نظام کے خلاف جدوجہد میں گذاری۔
آیت الله سید محمد سعید طباطبائی حکیم کا جوعراق کے مرجع عالیقدر اور سید محسن حکیم کے نواسے تھے کل بروز جمعہ حرکت قلب بند ہونے سے انتقال ہوا۔
