یمنی اچھے شکاری ہیں اس طرح سعودی ڈرون کا شکار کرتے ہیں
یمن کے جوانوں نے اینٹی ایئر کرافت سسٹم کے ذریعے سعودی عرب کے ایک جاسوس ڈرون طیارے کو مار گرایا ہے۔
المسیرہ یمن کی رپورٹ کے مطابق یمن کی فوج کے اینٹی ایئر کرافت سسٹم نے جمعہ کے روز صوبہ مآرب کے علاقے صرواح میں سعودی عرب کےامریکی ساخت جاسوسی ڈرون اسکین ایگل کو مار گرایا۔
یمن کی مسلح افواج کے ترجمان بریگیڈیئر یحیی سریع نے جمعرات کے روز کہا کہ تھا کہ یمن کی فوج کے اینٹی ایئر کرافت سسٹم نے جمعرات کو بھی صوبہ مآرب کے علاقے الوادی میں سعودی عرب کے ایک جاسوس ڈرون کو زمین سے فضا میں مار کرنے والے میزائل سے مار گرایا۔ انہوں نے کہا کہ جس میزائل سے سعودی عرب کے ڈرون کو نشانہ بنایا گیا ابھی تک اس کی رونمائی نہیں ہوئی ہے۔
واضح رہے کہ یمنی فورسز نے منگل کے روز بھی امریکہ کے جاسوسی ڈرون اسکین ایگل کو صوبہ مآرب میں اس وقت مار گرایا جب یہ ڈرون جاسوسی آپریشن کر رہا تھا۔ یہ امریکہ کا بنا ہوا جدید ترین ڈرون ہے جسے یمن کے خلاف سعودی اتحاد زیادہ استعمال کرتا ہے۔
