یمنی فوج نے امریکی ڈرون طیارہ مار گرایا
یمنی فوج نے اعلان کیا ہے کہ اس نے امریکی ساخت کے ایک ڈرون طیارے کو جاسوسی کرتے ہوئے مار گرایا ہے۔
فارس نیوز ایجنسی کی رپورٹ کے مطابق یمن کی مسلح افواج کے ترجمان یحیی السریع نے بتایا کہ سنیچر کے روز صوبہ الجوف میں امریکی ساخت کے ایک ڈرون طیارے کو جاسوسی کے دوران مار گرایا گیا۔
یمن کی مسلح افواج کے ترجمان کا کہنا تھا کہ ملک کے ایئر ڈیفنس سسٹم نے امریکا کے اسکن ایگل ڈرون طیارے کو ایک مناسب ہتھیار سے مار گرایا۔
یحیی السریع نے بتایا کہ یہ ڈرون طیارہ گزشتہ رات کو ملک کے شمال مشرقی علاقے خب و الشعف علاقے میں واقع الیتمہ علاقے میں جاسوسی میں مصروف تھا کہ اسے مار گرایا گیا۔
یہ ڈرون طیارہ ایسی حالت میں یمنی فوج نے سرنگوں کر لیا کہ اس سے پہلے میڈیا ذرائع نے خبر دی تھی کہ یمنی فوج اور رضاکار فورس نے سعودی عرب کی سرحد سے لگے متعدد علاقوں کا کنٹرول حاصل کر لیا تھا۔
یمنی فوج جاری سال کے آغاز سے اب تک سعودی اتحاد کے دسیوں ڈرون طیاروں کو ملک کے مختلف علاقوں میں سرنگوں کر چکی ہے۔
