SAHAR

عراقی شہریوں نے بغداد میں امریکی سفارتخانے کے سامنے اکٹھا ہوکر سفارتخانے کے ماڈل کو نذر آتش کیا اور امریکہ مخالف نعرے لگائے۔

عراقی مظاہرین نے بغداد کے گرین زون میں امریکی سفارت خانے کے سامنے جمع ہو کر امریکی سفارت خانے کے ماڈل کو نذرآتش کرنے کے ساتھ ہی امریکی حکومت کے خلاف نعرے لگائے - مظاہرین اپنے ہاتھوں میں عراقی پرچم اٹھائے ہوئے تھے۔ یہ مظاہرے، حشدالشعبی کے ایک مرکز پر امریکہ کے فضائی حملے کے بعد امریکی چیک پوسٹ کو آگ لگائے جانے کے دوسال مکمل ہونے کی مناسبت سے کئے گئے ہیں۔

دسمبر دو ہزار انیس میں ہونے والے مظاہروں کے دوران امریکی سفارتخانے کے سیکورٹی اہلکاروں اور مظاہرین کے درمیان جھڑپ ہوگئی تھی جس کے بعد امریکہ نے مغربی ایشیا میں اپنے مزید فوجی تعینات کردیئے تھے۔