SAHAR

مقبوضہ فلسطین کے غرب اردن کے مختلف علاقوں میں فلسطینیوں اور غاصب صیہونی فوجیوں میں ہونے والی جھڑپوں میں 119 فلسطینی زخمی ہو گئے۔

فلسطین الیوم رپورٹ کے مطابق فلسطینیوں اور غاصب صیہونی فوجیوں کے درمیان یہ جھڑپیں کل غرب اردن کے مختلف علاقوں خاص طور سے نابلس میں ہوئیں جن میں کم از کم 119 فلسطینی زخمی ہو گئے۔ صیہونی فوجیوں نے ربر کی گولیوں سے فلسطینی شہریوں کو نشانہ بنایا اور آنسو گیس کے شیل داغے۔

مقبوضہ فلسطین کے جنوبی علاقے وہ علاقے ہیں جہاں صیہونی حکومت فلسطینیوں کو ترک وطن کرنے پر مجبور کرتی رہی ہے جبکہ فلسطینی عوام ہر ممکن شکل میں اپنی مزاحمت و استقامت کا سلسلہ جاری رکھے ہوئے ہیں ۔