حماس نے القسام میزائل کی دکھائی طاقت، اسرائیل میں کھلبلی+ ویڈیو
حماس کی فوجی شاخ القسام بریگیڈ کا کہنا ہے کہ دشمن ہمارے میزائلوں کی دقیق نشانہ لگانے کی صلاحیت کو دیکھ کر حیران رہ جائے گا۔
حماس کی عسکری ونگ القسام بریگیڈ نے صیہونی حکومت کو اس کی میزائل توانائیوں کے بارے میں خبردار کیا ہے۔
فارس نیوز ایجنسی کے مطابق حماس کی القسام بریگیڈ کے غزہ پٹی کے کمانڈر عزالدین الحداد نے کہا ہے کہ غاصب صیہونی حکومت آنے والی جنگ میں القسام میزائلوں کی کے دقیق نشانے پر لگلنے، ان کی شدت اور اثرات کو دیکھ کر حیران رہ جائے گی۔
الحداد نے القسام ویب سائٹ پر شائع ہونے والے ایک ویڈیو میں کہا کہ دشمن اس چیز کا مشاہدہ کرے کا جو اس کے لئے ناگوار ہوگا، یہ اللہ تعالی کا وعدہ ہے؛ ہم پاک سرزمین میں داخل ہوں گے، ہم آئیں گے۔
یہ بیان ایسے وقت میں سامنے آیا ہے کہ جب صیہونی حکومت آئندہ اتوار کو بیت المقدس میں فلیگ مارچ کرنے کا ارادہ رکھتی ہے اور فلسطینی گروہوں نے ایسا کرنے سے خبردار کیا ہے۔
اس سلسلے میں غزہ میں مزاحمتی ذرائع نے اطلاع دی ہے کہ تل ابیب نے ثالثوں کے ذریعے غزہ پٹی کے مزاحمتی گروہوں کو ایک پیغام بھیجا ہے جس میں اطمئنان دلایا گیا ہے کہ آباد کار فلیگ مارچ کے دوران اشتعال انگیز اقدامات نہیں کریں گے۔
