حماس نے انیس سو سڑسٹھ کی عرب اسرائیل جنگ میں درجنوں مصری فوجیوں کو زندہ جلائے جانے کے انکشاف پر ردعمل ظاہر کرتے ہوئے اسے صیہونی فوج کے سیڈازم کی کھلی نشانی قرار دیا ہے۔

حماس کے ترجمان حازم القاسم نے اپنے ایک بیان میں کہا ہے کہ اس اندوہناک واقعے کا انکشاف اب تک کی تمام جنگوں میں فلسطینی عوام کے خلاف اسرائیلی فوج کے دہشت گردانہ اقدامات کے حجم اور ان پر چھائے سیڈازم کو سمجھنے کے لیے کافی ہے۔ 
واضح رہے کہ اسرائیلی اخبار یدیعوت اہارونوت نے انیس سو سڑسٹھ کی جنگ میں شرکت کرنے والے ایک صیہونی فوجی کے حوالے سے ایک مقام کی نشاندھی کی ہے جہاں کم سے کم ستر یا اس سے بھی زیادہ تعداد میں زندہ جلائے گئے مصری فوجیوں کی لاشیں دفن کی گئی تھیں۔
اخبار کے مطابق صیہونی حکومت نے مصری کمانڈوز کی اجتماعی قبر کو ایک کار پارکنگ میں تبدیل کردیا ہے۔