SAHAR

ترک صدر رجب طیب اردوغان نے ایران سے مزید تیل اور گیس خریدنے کا عندیہ دیا ہے۔

ٹی آر ٹی نیوز چینل سے گفتگو کے دوران ترک صدر نے زور دیکر کہا کہ ہمسایہ ممالک کے ساتھ دو طرفہ تعاون اور تجارت کا سلسلہ جاری رہے گا۔ انہوں نے بتایا کہ انقرہ نے ایران سے مزید تیل اور گیس خریدنے کا فیصلہ کرلیا ہے۔

قابل ذکر ہے کہ گذشتہ ہفتے، تہران میں ایران اور ترکی کے تعاون کی اعلی کمیٹی کی صدارتی نشست منعقد ہوئی تھی جس میں دونوں ممالک کے صدور نے مشترکہ تعاون میں اضافے پر زور دیا تھا۔ اس موقع پر صدر آیت اللہ سید ابراہیم رئیسی نے ترکی کو گیس کی برآمدات بڑھانے کا اعلان کیا تھا۔ اس موقع پر ایران سے ترکی کو گیس کی برآمدات کے معاہدے کی تاریخ میں مزید پچیس سال کا اضافہ کیا گیا اور برآمدات کے حجم میں اضافے پر بھی اتفاق ہوا۔