16 سالہ فلسطینی کے بعد 60 سالہ فلسطینی بھی شہید
-
فائل فوٹو
16سالہ فلسطینی کے بعد 60 سالہ فلسطینی بھی شہید ہو گیا ہے۔
معاً فلسطین کی رپورٹ کے مطابق 60 سالہ فلسطینی «حسین قواریق» جو نابلس کے ایک چیک پوسٹ میں منگل کے روز صیہونی فوجیوں کی فائرنگ سے شدید زخمی ہوگیا تھا، زخموں کی تاب نہ لاتے ہوئے شہید ہوگیا۔
صیہونی ذرائع نے اعتراف کیا ہے کہ 60 سالہ فلسطینی «حسین قواریق» کے پاس ہتھیار تو نہیں تھا تاہم انھیں صیہونی فوجیوں کی بات نہ ماننے پر فائرنگ کا نشانہ بنایا گیا۔
غاصب صیہونی فوجیوں نے اسی طرح جمعے کے روز ایک سولہ سالہ فلسطینی لڑکے امجد ابو علیا کو رام اللہ کے قصبے المغیر میں فائرنگ کا نشانہ بنا کر شہید کر دیا تھا۔ یہ نوجوان لڑکا اُس وقت صیہونی دہشتگردوں کی گولی کا نشانہ بنا جب فلسطینی جوان اپنے علاقے میں درآئے صیہونی دہشتگردوں کے مقابلے میں اپنے دفاع کے لئے اُن پر پھتراؤ کر رہے تھے۔ اس موقع پر فلسطینیوں اور صیہونی فوجیوں کے درمیان ہونے والی جھڑپوں میں دسیوں فلسطینی زخمی بھی ہوئے ہیں۔
فلسطینی ذرائع کا کہنا ہے کہ صیہونی فوجی المغیر پر حملہ کرنے والے تھے جس کی اطلاع فلسطینیوں کو مل گئی اور وہ دفاع کے لئے جمع ہو گئے جس کے بعد جھڑپ شروع ہو گئی اور صیہونی فوجیوں نے فائرنگ کر دی۔
ایک فلسطینی مرکز کے مطابق رواں سال کے آغاز سے ۱۲ جون تک کے دورانئے میں غرب اردن کے شہر جنین میں صیہونی فوجیوں کی جارحیت میں 23 فلسطینی شہید ہو چکے ہیں۔
