SAHAR

خبر رساں ذرائع کے مطابق صیہونی فوج نے ایک بار پھر شام کے علاقوں پر حملہ کیا ہے۔

سحر نیوز/ عالم اسلام:  شامی میڈیا رپورٹس کے مطابق صیہونی فوج کا ایک گشتی دستہ، شام کے صوبے قنیطرہ کے علاقوں میں داخل ہو گیا ہے۔
یہ صیہونی فوجی متعدد گاڑیوں کے ساتھ جباتا الخشب اور خان ارنبہ کے درمیانی علاقوں میں گشت کر رہے ہیں۔
واضح رہے کہ بشارالاسد حکومت کے خاتمے کے بعد صیہونی فوج نے شام کے بنیادی ڈھانچے اور فوجی مراکز پر اپنے حملے تیز کر دیے ہیں اور حالیہ مہینوں میں متعدد مواقع پر اس ملک کے فوجی مراکز پر بمباری کی ہے۔
اسد حکومت کے خاتمے کے بعد سے، صیہونی حکومت کی فوج نے شام کی سرزمین اور جولان کے مقبوضہ علاقے کے درمیان واقع بفر زون کو عبور کرتےہوئے، درعا اور قنیطرہ صوبوں میں جولان کے نزدیکی علاقوں پر اپنا قبضہ برقرار رکھا ہے-