نائیجریا میں اربعین مارچ میں ہزاروں عزاداروں کی شرکت (ویڈیو)
اس سال اربعین حسینی کے موقع پر دیگر ممالک اور علاقوں کی مانند نائیجیریا میں بھی اربعین مارچ ہوا جس میں ہزاروں عزادارانِ حسینی نے شرکت کی۔
نائیجیریا میں ہر سال اربعین کے پیدل جلوس میں ہزاروں لوگ شرکت کرتے ہیں، جو لوگ معاشی مشکلات یا صحت کے مسائل کی وجہ سے امام حسینؑ کی زیارت کے لئے کربلا نہیں جا سکتے وہ اربعین کے اس علامتی پیدل جلوس میں شرکت کرتے ہیں۔
نائیجریا کے مختلف شہروں، قصبوں اور دیہاتوں سے عاشقان ابی عبداللہ الحسین، اربعین کے جلوس میں شرکت کے لئے اس علامتی سفر کا آغاز کرتے ہیں جو نائیجریا کی اسلامی تحریک کے مرکز بقیۃ اللہ امام بارگاہ پر ختم ہوتا ہے جہاں پر نائیجرین شیعوں کے رہنما شیخ ابراہیم زکزکی مجلس عزا سے خطاب کرتے ہیں۔
2015ءمیں نائیجریا کی فوج نے بقیۃ اللہ امام بارگاہ پر حملہ کر دیا تھا جس میں سینکڑوں لوگ شہید ہوئے تھے، اب نائیجریا کے گوشہ و کنار سے ہزاروں اہل بیت ؑ کے پیروکار نائیجریا کے دارالحکومت ابوجا کا رخ کرتے ہیں۔
اسلامی تحریک نائیجریا کے ایک اعلی عہدیدار شیخ احمد یوسف نے کہا: ہمارا پیدل مارچ علامتی ہے اور امام حسینؑ، بنی ہاشم اور ان کے دیگر اعوان و انصار کی شہادت کے بعد یزیدی فوج نے سیدہ زینب سلام اللہ علیہا اور اہل بیتؑ کے باقی ماندہ خواتین اور بچوں کو کربلا سے دمشق شام میں یزید کے محل تک پیدل چلنے پر مجبورکیا تھا۔
2015ء سے پہلے ہم باوچی سے اربعین کے اس سفر کا آغاز کرتے تھے اور زاریہ میں آتے تھے جہاں ہمارے لیڈر خطاب کرتے تھے۔ 2015ء میں بوہاری حکومت کے حملے میں سینکڑوں لوگوں کی شہادت کے بعد حکومت نے اس راستے پر پابندی لگا دی ہے، نائیجریا کی اسلامی تحریک کے نمائندے نے بتایا۔
