SAHAR

عراقی کردستان کے سلیمانیہ شہر میں ایک زوردار دھماکہ ہوا جس میں اب تک کم از کم پانچ کے مرنے اور بیس کے زخمی ہونے کی خبر ہے۔

سحر نیوز/عالم اسلام: عراقی ذرائع کے مطابق یہ واقعہ گیس سے ہوئے دھماکے کے سبب پیش آیا جس کی وجہ سے ایک پوری رہائشی عمارت مکمل طور پر تباہ ہو گئی جبکہ آس پاس کی عمارتوں کو بھی نقصان پہنچا۔

عراقی کردستان کے انسداد دہشتگردی کے ایک مرکز کے مطابق ابتدائی تحقیقات سے یہ بات سامنے آئی ہے کہ یہ دھماکہ عمارت کے ہیٹنگ سسٹم میں لگے گیس کے ایک ٹینک کے پھٹنے سے ہوا ہے۔ زخمی ہونے والے بیس افراد کو ہسپتال منقتل کیا گیا ہے اور امدادی سرگرمیاں جاری ہیں۔