SAHAR

الجزیرہ ٹی وی نے صیہونی ذرائع ابلاغ کے حوالے سے ایسی ویڈیوز جاری کی ہیں جن میں صیہونی پارلیمنٹ کنیسٹ کی قانون ساز کمیٹی کے اراکین کو آپس میں جھگڑتے ہوئے دیکھا جا سکتا ہے۔ ان ویڈیوز میں نتن یاہو کی اتحادی کابینہ مخالف اراکین ’’ذلت ذلت‘‘ کے نعرے لگا کر عدالتی قوانین کو منسوخ کرنے کا اختیار کنیسٹ کو دئے جانے کے خلاف احتجاج کر رہے ہیں۔ ان کا ماننا ہے کہ نتن یاہو کی کابینہ کا یہ اقدام سے ریاست میں جرائم اور بد عنوانیوں میں اضافہ کا باعث بنے گا۔