عراق میں ترکیہ کا فوجی ہیلی کاپٹر گر کر تباہ، 7 فوجی ہلاک
Mar ۱۶, ۲۰۲۳ ۰۹:۵۸ Asia/Tehran
شمالی عراق کے صوبہ دہوک کی آئل فیلڈ میں ترکیہ کے ہیلی کاپٹر کے گر کر تباہ ہونے کی اطلاع ہے۔
سحر نیوز/عالم اسلام: ایران پریس نے عراق کے مقامی میڈیا کے حوالے سے بتایا ہے کہ ملک کے شمالی صوبہ دہوک کی آئل فیلڈ میں ترکیہ کا ہیلی کاپٹر گر کر تباہ ہو گیا جس کے نتیجے میں سات ترک فوجی ہلاک ہو گئے۔
ترک وزارت دفاع نے عراقی ذرائع کی رپورٹ کو مسترد کرتے ہوئے کہا کہ اس قسم کی رپورٹوں میں کہ تباہ ہونے والا ہیلی کاپٹر ترکیہ کا ہے، کوئی صداقت نہیں ہے۔
ترک وزارت دفاع نے دعویٰ کیا کہ پ کے کے(PKK) کہ جسے ترکیہ ایک دہشتگرد گروہ سمجھتا ہے، نے ہیلی کاپٹر تباہ ہونے کی خبر دی ہے۔
ترکیہ کئی سال سے پ کے کے(PKK) کا مقابلہ کرنے کے بہانے اس ملک کی ارضی سالمیت کی خلاف ورزی کر رہا ہے۔
