فلسطینی مجاہدین کی بیس صیہونیت مخالف کارروائیاں
فلسطین کے مزاحمتی گروہوں نے بیس صیہونیت مخالف کارروائیاں انجام دی ہیں۔
سحر نیوز/ عالم اسلام: نیوز ایجنسی ارنا نے تحریک مزاحمت کے ذرائع کے حوالے سے بتایا ہے کہ فلسطینی مجاہدین نے مقبوضہ فلسطین کے مختلف علاقوں میں فائرنگ اور دھماکہ خیزمواد کے ذریعے غاصب صہیونی فوجیوں کا مقابلہ کیا۔
رپورٹ کے مطابق فلسطینی مجاہدین نے رام اللہ، نابلس، بیت المقدس، اریحا، طولکرم، قلقیلہ، جنین اور بیت لحم کارروائیاں انجام دے کر صیہونیوں کے حملوں کا جواب دیا ہے۔
فلسطین انفارمیشن سینٹر کے مطابق فلسطینی مجاہدین کی جوابی کارروائیوں میں کم سے کم تین صیہونی فوجی زخمی ہوگئے۔
مقبوضہ فلسطینی علاقوں میں حالات انتہائی کشیدہ ہوگئے ہیں اور خاص طور سے مغربی کنارے کی صورتحال خاصی دھماکہ خیز دکھائی دے رہی ہے۔
فلسطینی مجاہدین ہر ممکن طریقے سے، غاصب صہیونی فوجیوں کے حملوں کا جواب دے رہے ہیں۔
