اسرائیل نے اپنی شکست کا اعتراف کر لیا
قدس کی غاصب اور جابر صیہونی حکومت نے آخر کار اپنی شکست کا اعتراف کر لیا۔
سحر نیوز/ عالم اسلام: صیہونی فوج کے ترجمان نے اس بات کا اعتراف کیا ہے کہ غزہ پر شدید ترین بمباری و گولہ باری کئے جانے کے باوجود اسرائیل حماس کو روکنے میں ناکام رہا ہے ۔
اس ترجمان نے یہ بھی کہا کہ اسرائیل کی فوج کو لمبے عرصے تک میدان کارزار میں رہنا ہوگا جبکہ فلسطین کی اسلامی مزاحمتی تحریک حماس اسرائيل پر میزائل حملہ کرنے پر قادر ہے اور اسرائیل کا آئرن ڈوم سسٹم اس طرح کے حملے کو ناکام نہیں بنا پا رہا ہے۔
اس درمیان غزہ پر صیہونی جارحیت بھی مسلسل جاری ہے۔ اسی اثنا میں صیہونی فوج نے ایک ویڈیو کلپ جاری کرتے ہوئے دعوی کیا ہے کہ کل رات غزہ کے شمال میں ایک زمینی کارروائی انجام دی گئی ہے اور کارروائی کر کے اسرائیلی فوجی پیچھے ہٹ گئے ہیں۔
واضح رہے کہ کل بھی صیہونی و امریکی فوجی کمانڈر غزہ میں داخل ہوئے تھے اور فلسطینی ذرائع نے ان تمام کمانڈوز کو ہلاک کر دیئے جانے کا اعلان کیا تھا۔
