یمنی مجاہدین بھی میدان میں کود پڑے، اسرائیل کے فوجی اہداف پرکروز میزائلوں کی بارش
یمن کی مسلح افواج نے مقبوضہ فلسطین کے جنوبی علاقوں میں غاصب صیہونی حکومت کے مختلف فوجی اہداف پر متعدد کروز میزائل داغے ہیں۔
سحر نیوز/ عالم اسلام: یمن کی مسلح افواج کے ترجمان یحیی سریع نے اس بات کو بیان کرتے ہوئے کہ ہم نے صیہونی اہداف کو نشانہ بنایا ہے کہا کہ یمن کی مسلح افواج نے مقبوضہ فلسطین کے جنوبی علاقے ام الرشراش میں واقع غاصب صیہونی حکومت کے مختلف فوجی اہداف پر کروز میزائلوں سے حملہ کیا ہے۔
یحیی سریع نے یہ بات زور دے کر کہی کہ یمن کی مسلح افواج فلسطین کے عوام پر غاصب صیہونی حکومت کے مظالم بند ہونے تک فوجی کارروائیوں کا سلسلہ جاری رکھیں گی۔اس سے قبل بھی یمن کی مسلح افواج نے مقبوضہ فلسطینی علاقوں میں صیہونی اہداف کو اپنے حملوں کا نشانہ بنایا تھا۔ یمن کی مسلح افواج کے ترجمان نے ان حملوں کے بارے میں کہا تھا کہ یمن کی فوج نے مقبوضہ فلسطینی علاقوں میں واقع صیہونی حکومت کے اہداف پر متعدد ڈرون حملے کئے ہیں۔
یمن کی فوج نے گزشتہ دنوں غزہ میں صیہونی حکومت کے مظالم کے جواب میں مقبوضہ فلسطینی علاقے بندر ایلات پر میزائلوں اور ڈرون طیاروں سے حملہ کیا تھا۔ یمن کی فوج نے بحیرۂ احمر میں اسرائیل کا ایک بحری جہاز بھی اپنے قبضے میں لے لیا تھا۔
