القسام بریگيڈ کی زبردست کارروائی، 60 صیہونی فوجی ہلاک
میڈيا ذرائع نے شمالی غزہ میں مزاحمتی فورسز اور صیہونی فوجیوں کے درمیان گھمسان کی لڑائی اور القسام بریگيڈ کی خصوصی فورس کی کارروائی میں ساٹھ صیہونی فوجیوں کو ہلاک کرنے کی خبر دی ہے۔
سحر نیوز/ عالم اسلام: فلسطین کی اسلامی مزاحمتی تحریک حماس کی فوجی ونگ عزالدین قسام بریگيڈ نے اعلان کیا ہے کہ مشرقی علاقے حجرالدیک میں درجنوں قابض فوجیوں کے مقام کی نشاندہی کی گئی، جس کے بعد مجاہدین نے اس مقام کے ارد گرد تین بارودی سرنگیں بچھا دیں ۔ فلسطینی مجاہدین دشمن کے فوجیوں کی ایک بڑی تعداد کو ہلاک کرنے کے بعد اپنے ٹھکانوں پر واپس لوٹ گئے۔
ذرائع ابلاغ نے کہا ہے کہ شمالی غزہ کے الصفطاوی اور بیت حانون کے علاقوں میں مزاحمتی فورسز اور صیہونی فوج کے درمیان شدید لڑائی ہوئی ہے اور مزاحمت نے دشمن کی پیشقدمی کو روک دیا ہے۔
غزہ کے مرکز میں النصر شاہراہ اور مقبرۂ رضوان کے نزدیک بھی شدید دھماکوں کی آوازیں سنی گئی ہيں۔
