SAHAR

یمن کی قومی نجات حکومت کے وزیر دفاع نے غزہ پر صیہونی حکومت کے جاری حملوں کے بارے ميں خبردار کیا ہے۔

سحرنیوز/عالم اسلام: محمد ناصر العاطفی نے کہا کہ اگر صیہونی حکومت غزہ اور فلسطین پر حملے بند نہیں کرتی اور اس کا محاصرہ ختم نہيں کرتی تو ہماری فورسیز کے پاس اور بھی بہت سے آپشنز ہيں۔
واضح رہے کہ غزہ کے نہتے اور مظلوم عوام کے خلاف صیہونی حکومت کے وحشیانہ حملوں کے جواب میں یمنی فورسیز نے بحیرۂ احمر میں آمد و رفت کرنے والے اسرائیلی بحری جہازوں یا اس کے ساتھ تعاون کرنے والے بحری جہازوں پر حملہ کیا ہے-یمنی فورسیز نے کہا ہے کہ جب تک کہ جارح اسرائیل غزہ کے خلاف اپنے حملے بند نہیں کرتا بحیرۂ احمر میں اس حکومت کے بحری جہازوں پر حملے جاری رہیں گے۔