SAHAR

غزہ کے نہتے عوام کے خلاف وحشیانہ صیہونی جارحیت کا سلسلہ جاری ہے۔

سحرنیوز/عالم اسلام: غزہ کے علاقے دیر البلح میں ایک کار پر صیہونی حکومت کے فضائی حملے میں سات افراد شہید ہوگئے۔ فلسطینی ذرائع ابلاغ کی رپورٹ کے مطابق غاصب صیہونی حکومت کے جنگی طیاروں نے خان یونس میں ہلال احمر اسپتال کے اطراف کے علاقوں کو بھی جارحیت کا نشانہ بنایا جہاں متعدد فلسطینیوں کے شہید و زخمی ہونے کا اعلان کیا گیا۔ رپورٹ میں بتایا گيا ہے کہ اس جارحیت میں پچیس فلسطینی شہید اور متعدد دیگر زخمی ہوئے۔
فلسطینی ذرائع نے خان یونس پر صیہونی جارحیت میں مزید بیالیس افراد کی شہادت کی خبر دی ہے۔ اسی طرح النصیرات کیمپ میں رہائشی مکانات پر صیہونی جنگی طیاروں کی بمباری میں آٹھ فلسطینی شہید اور متعدد دیگر زخمی ہوئے ہیں۔