SAHAR

فلسطینی ذرائع نے خبر دی ہے کہ غزہ کے شمال میں اطراف میں واقع صیہونی ٹھکانوں پر کئی راکٹ حملے ہوئے ہیں۔

سحر نیوز/ عالم اسلام: الجزیرہ کے حوالے سے ارنا کی رپورٹ کے مطابق یہ راکٹ حملے عسقلان اور سدیروت پر ہوئے۔ اس سے قبل راکٹ حملوں سے پہلے ان علاقوں میں خطرے کا سائرن بجا جس سے غاصب صیہونیوں میں افراتفری مچ گئی۔

فلسطینی ذرائع نے تحریک استقامت میں شامل گروہوں کی جنگی و میزائل طاقت کا اعتراف کرتے ہوئے اعلان کیا ہے کہ فلسطین کی اسلامی مزاحمتی تحریک حماس، مقبوضہ سرزمین کے تمام علاقوں پر میزائل و راکٹ حملہ کرنے کی توانائی رکھتی ہے۔

پیر کے روز بھی فلسطینی ذرائع کے حوالے سے اسرائيل کے ریڈیو ٹی وی نے رپورٹ دی کہ تحریک حماس مقبوضہ فلسطین کے تمام علاقوں کو جوابی حملوں کا نشانہ بنانے کی توانائی رکھتی ہے۔