اسرائیلی فوج نے جنوبی لبنان پر کی بمباری
May ۳۱, ۲۰۲۴ ۰۹:۱۵ Asia/Tehran
خبری ذرائع نے اطلاع دی ہے کہ اسرائیلی فوج نے جنوبی لبنان کے بعض علاقوں پر بمباری کی ہے۔
سحر نیوز/ عالم اسلام: اسرائیلی لڑاکا طیاروں نےان حملوں میں لبنان کے جنوب میں واقع قصبے "عیتورون" کو نشانہ بنایا ہے۔
یہ حملہ لبنان کی اسلامی مزاحمت حزب اللہ کی جانب سے ایک بار پھر مقبوضہ فلسطین کے شمال میں صیہونی حکومت کے فوجی اجتماع کے مرکز کو نشانہ بنانے کے چند گھنٹے بعد ہوا ہے۔
حزب اللہ نے اعلان کیا کہ: ہمارے مجاہدین نے "جل العالم" بیس کے ارد گرد قابض صیہونی فوج کے اجتماع کو توپوں سے نشانہ بنایا۔
لبنان کی اسلامی مزاحمت حزب اللہ نے مزید کہا: ہم نے لبنان میں کفر شوبا کی بلندیوں میں الرمثا کے اڈے کو میزائل سے نشانہ بنایا جو براہ راست ہدف پر لگا۔
