SAHAR

سردی اور بارش کے موسم کے آغاز کے ساتھ ہی غزہ کے جنگ زدہ پناہ گزینوں کی صورتحال مزید نازک ہو گئی ہے۔

سحرنیوز/عالم اسلام: ایران پریس نے اپنے ذرائع کے حوالے سے بتایا ہے کہ غزہ پٹی کے مختلف علاقوں بالخصوص خان یونس میں پناہ لئے ہوئے بےگھر لوگ، زندگی کی بنیادی سہولیات کے فقدان، بارش اور بڑھتی سردی کے باعث اس وقت اور زیادہ تکلیف دہ صورتحال سے دچار ہوگئے ہیں۔ کچی زمین پر لگے خیموں میں جہاں بارش کا پانی مشکلات میں اضافے کا سبب بنا ہوا ہے وہیں روزمرہ کی ضروریات اور خوراک کی کمی نے پناہگزینوں بالخصوص بچوں کو شدید خطرات سے دچار کر دیا ہے۔
اقوام متحدہ سے جڑے امدادی اداروں کا کہنا ہے کہ صیہونی حکومت غزہ کے مکینوں کے لئے غذائی اور دیگر لازمی اشیا پہنچانے کی راہ شدید رکاوٹیں کھڑی کئے ہوئے ہے۔