SAHAR

فلسطینی پناہ گزینوں کے کیمپوں پر صیہونی حکومت کی بمباری میں دس فلسطینی شہید اور متعدد زخمی ہوگئے ہیں۔

سحر نیوز/ عالم اسلام:  خان یونس کے جنوب مغرب میں واقع فش فرش علاقے پر صیہونی حکومت کے جنگي طیاروں کے حملے میں دو فلسطینی شہید اور پانچ زخمی ہوئے ہیں جبکہ شمالی خان یونس میں فلسطینی پناہ گزینوں کے خیموں پر اسرائیلی فوج کی بمباری میں دو فلسطینی شہید اور تین زخمی ہوئے ہيں۔ چار فلسطینی شہری مغربی خان یونس کے عابدین روڈ پر ایک کیمپ میں صیہونی بمباری میں شہید ہوئے ہیں۔ شمالی شہر رفح کے ایک صنعتی علاقے میں فلسطینی پناہ گزینوں کے خیموں پر ہونے والے حملے میں بھی دو فلسطینی شہید ہوئے ہیں۔ اسرائیل کے جنگی طیاروں نے آج صبح مغربی شہرخان یونس میں بھی فلسطینیوں کے کیمپوں پر بمباری کی۔