یمن پر صیہونی حکومت کی جارحیت کا منہ توڑ جواب دیا جائے گا؛ انصاراللہ یمن کے سینیئر رہنما
انصاراللہ یمن کے سینیئر رہنما نے کہا ہے کہ بن گورین ہوائی اڈے پر حملہ، اسرائيل کے خلاف نئی کارروائیوں کا آغاز ہے
سحرنیوز/عالم اسلام: ارنا کے مطابق انصاراللہ یمن کے ایک سینیئر رہنما حزام الاسد نے العربی ٹی وی چینل سے گفتگو میں کہا ہے کہ یمن کے پاس اپنی دفاعی اور انسدادی طاقت ہے اور وہ کسی کو بھی اپنے اقتدار اعلی کی خلاف ورزی کی اجازت نہیں دے گا۔
انہوں نے حساس مراکز کی حفاظت میں صیہونی حکومت کی ناکامی کی طرف اشارہ کرتے ہوئے کہا کہ صیہونی دشمن حتی بن گورین ایئرپورٹ کی سیکورٹی میں بھی ناکام رہا۔ انصاراللہ یمن کے اس سینیئر رہنما نے کہا کہ بن گورین ہوائی اڈے پر حملہ، اسرائيل کے خلاف نئی کارروائیوں کا آغاز ہے۔ انہوں نے کہا کہ یمن پوری طاقت سے غزہ کے مظلوم فلسطینی عوام کی حمایت جاری رکھے گا۔
حزام الاسد نے کہا کہ غاصب صیہونی حکومت غیر فوجی تنصیبات اور غیر فوجی مراکز کو نشانہ بناکر یمن کے عوام کو سزا دینا چاہتی ہے لیکن اس کی جارحیتیں ہمیں فلسطین کی حمایت سے نہیں روک سکتیں۔
