القسام بریگیڈ کے نوجوانوں نے اینٹ کا جواب پتھر سے دیا + ویڈیو
Sep ۰۴, ۲۰۲۵ ۰۸:۴۳ Asia/Tehran
غزہ کے خلاف صہیونی فوج کے آپریشن کے جواب میں القسام بریگیڈ نے صہیونی فوج کے خلاف کاروائی شروع کردی ہے۔
سحرنیوز/عالم اسلام: حماس کے عسکری ونگ القسام بریگیڈ نے صہیونی فوج کے گدعون چیرئٹس آپریشن کے مقابلے میں نئی کارروائی "عصای موسی" شروع کردی ہے۔ میڈیا سے گفتگو کرتے ہوئے القسام کے ایک سینئر کمانڈر نے کہا کہ غزہ کے شمالی علاقوں، بالخصوص الزیتون اور جبالیا کے محاذ پر مزاحمتی نوجوانوں نے دشمن پر براہِ راست حملہ کیا ہے۔ انہوں نے کہا کہ یہ صرف ایک قطرہ ہے، وہ سمندر ابھی باقی ہے جس کا سامنا دشمن کو غزہ میں کرنا ہوگا۔
واضح رہے کہ صہیونی فوج نے گزشتہ دو ماہ کی ناکامی کے بعد ایک ہفتہ قبل "گدعون چیرئٹس1" کے بعد دوسرا مرحلہ "گدعون چیرئٹس2" شروع کیا تھا تاہم خود صہیونی ذرائع اب تک اس کے ناکام ہونے کا اعتراف کرچکے ہیں۔
