SAHAR

غاصب صیہونی فوج کے حملوں اور فائرنگ کے نتیجے میں گذشتہ چوبیس گھنٹے میں ستّر سے زيادہ فلسطینی شہید ہوئے ہيں ۔

سحرنیوز/عالم اسلام: قطر کے الجزیرہ ٹی وی کی رپورٹ کے مطابق صرف غزہ میں خواتین اور بچوں سمیت انتالیس فلسطینیوں کو اپنی جان سے ہاتھ دھونا پڑا ۔ یہ اعداد و شمار ایسی حالت میں سامنے آئے ہیں کہ غزہ کے مختلف علاقوں پر غاصب صیہونی فوج کے فضائی حملوں اور توپوں کی گولہ باری کا سلسلہ صبح سے ہی شروع ہوگيا ہے جو عام شہریوں کے جانی نقصان میں اضافے کا باعث بنا ہے دریں اثنا فلسطینی وزارت صحت نے غزہ پٹی میں صیہونی حکومت کے حملوں میں شہداء کی تعداد میں اضافے کی خبر دی ہے اور اعلان کیا ہے کہ سات اکتوبر دوہزار تیئس سے اب تک چونسٹھ ہزار دو سو اکتیس فلسطینی شہری شہید ہوچکے ہیں جبکہ اس دوران ایک لاکھ اکسٹھ ہزار پانچ سو تراسی فلسطینی زخمی ہوئے ہیں ۔