SAHAR

غاصب صیہونی فوج کے دستے جنوبی شام کے تین علاقوں میں داخل ہوگئے ہیں

سحرنیوز/عالم اسلام: مقامی ذرائع نے بتایا کہ یہ تینوں علاقے صوبہ قنیطرہ کے نواح میں واقع ہیں جہاں غاصب صیہونی فوجیوں نے صبح کے وقت گشت اور تعیناتی کی کارروائیاں انجام دیں۔
یاد رہے کہ چند روز قبل بھی صیہونی قابض فوج رسم الرواضی نامی علاقے میں داخل ہوئی تھی جو الصرمدانیہ قصبے کے قریب واقع ہے۔
خیال رہے کہ صہیونی فوج، شام کے سابق نظام کے خاتمے کے بعد سے ملک کے جنوبی حصے پر مسلسل حملے کر رہی ہے۔

قابل ذکر ہے کہ جولان کی مقبوضہ پٹی اور شام کے درمیان واقع حائل لائن عبور کرنے کے بعد، غاصب اسرائیلی فوج درعا اور قنیطرہ صوبوں کے قریبی علاقوں پر قبضہ بڑھا رہی ہے۔