حزب اللہ لبنان کا پوپ کو خط: خطے کے لیے اصل خطرہ صیہونی حکومت ہے
حزب اللہ لبنان نے کیتھولک عیسائیوں کے رہنما پوپ لیو دی فورٹینتھ کو لکھے گئے خط میں ان کے دورہ لبنان کا خیرمقدم کیا اور غزہ اور لبنان کے حقوق کی پامالی کے لیے صیہونی حکومت کو ذمہ دار ٹہرایا۔
سحرنیوز/عالم اسلام: حزب اللہ کے خط میں درج ہے کہ کیتھولک عیسائیوں کا دورہ لبنان انتہائی خوشائند اقدام ہے۔
اس خط میں آیا ہے کہ لبنان، مذہب اور ثقافت کے لحاظ سے ایک متنوع ملک ہے، بقول آنجہانی پوپ، جان پال دوم کے، لبنان دنیا کے لیے مذہبی اور انسانی ہماہنگی اور بھائی چارے کی مثال ہے۔
حزب اللہ نے اپنے خط میں لکھا ہے کہ انسانی حقوق کا احترام صرف اشخاص تک محدود نہیں بلکہ قومیں بھی اس اصول میں شامل ہیں جسے آج بڑی طاقتیں بالخصوص امریکہ اور صیہونی حکومت پاؤں تلے روند رہی ہیں۔
اس مراسلے میں آیا ہے کہ صیہونی حکومت گزشتہ دو سال سے منظم نسل کشی کا ارتکاب کرکے فلسطینیوں کو ختم کرنا چاہتی ہے اور ان کی تقدیر کو عالمی سازشوں کے نذر کر رہی ہے۔
حزب اللہ کے خط میں درج ہے کہ صیہونی حکومت لبنان کے قدرتی، پانی اور گيس کے ذخیروں پر بھی نظریں جمائے ہوئے ہے اور اس کے حصول کے لیے لبنانی عوام کو سیاسی اور سیکورٹی مسائل میں مبتلا کیے ہوئے ہے اور ان مظالم کا دائرہ پورے علاقے میں پھیلا رہی ہے۔
اس خط میں اس بات پر زور دیا گیا ہے کہ حزب اللہ، لبنان میں باہمی رواداری، اندرونی قیام امن اور قومی استحکام کی حفاظت کے لیے عوام کے شانہ بشانہ کھڑا رہے گا اور ہرطرح کے غاصبانہ اقدام اور جارحیت کا ڈٹ کر مقابلہ کرے گا۔
حزب اللہ کے خط کے اختتام میں درج ہے کہ امید ہے کہ پوپ لیو، انصاف، امن، آزادی اور ظلم کے مقابلے میں انسانیت کے دفاع کے سلسلے میں روشن اور مؤثر موقف اپنائیں گے۔
قابل ذکر ہے کہ پوپ لیو دی فورٹینتھ اتوار کے روز لبنان پہنچیں گے جہاں ان کی ملاقات، سیاسی، مذہبی، سماجی اور دینی شخصیات سے بھی طے ہے۔
ہمیں فالو کریں:
Follow us: Facebook, X, instagram, tiktok
