جنوبی لبنان میں دو شدید دھماکوں کی خبر

Dec ۲۳, ۲۰۲۵ ۱۶:۱۴ Asia/Tehran

المنار ٹی وی کی رپورٹ کے مطابق لبنان کے صوبہ نبطیہ کے مرجعیوں علاقے کی میس الجبل کالونی میں چند منٹ کے فاصلے پر دو شدید دھماکے ہوئے ہیں۔

سحرنیوز/عالم اسلام: رپورٹ کے مطابق دھماکوں کے نتیجے میں مشرقی میس الجبل میں دھوئیں کے گہرے بادل اٹھتے دکھائی دیئے۔

اگرچہ دھماکوں کی نوعیت کے بارے میں ابھی تک کوئی سرکاری بیان جاری نہیں کیا گیا، تاہم ابتدائی اندازے بتاتے ہیں کہ ان کا تعلق علاقے میں صیہونی حکومت کی فوجی سرگرمیوں سے ہو سکتا ہے۔

یہ واقعہ جنوبی لبنان میں بڑھتی ہوئی کشیدگی کے دوران پیش آیا ہے جہاں حالیہ دنوں میں صیہونی فضائی حملوں میں شدت آنے کی اطلاعات ملی ہیں۔

ہمیں فالو کریں:

لبنانی حکام نے اس سے قبل بیان دیا تھا کہ انہیں عرب اور بین الاقوامی حلقوں کی جانب سے ایسے انتباہات موصول ہوئے ہیں جن سے اشارہ ملتا ہے کہ صیہونی حکومت، لبنان کے خلاف بڑے پیمانے پر فوجی آپریشن کی تیاری کر رہی ہے۔