SAHAR

انہوں نے فلسطین کی قومی کونسل کے اجلاس کی طرف اشارہ کرتے ہوئے کہا کہ تحریک حماس داخلی صورت حال کی بہتری اور انتخابات کے ذریعہ قومی اتحاد حکومت کی تشکیل کی حمایت کرتی ہے-

 اسماعیل ہنیہ نے کہا کہ فلسطینی قیدیوں اور قدس کے دفاع کی راہ میں اتحاد کے لئے محمود عباس سمیت فلسطینی حکام سے بھی رابطہ کیا گیا ہے- انہوں نے کہا کہ ملت فلسطین کا ظالمانہ محاصرہ ختم ہونا چاہئے-

اسماعیل ہنیہ کا کہنا تھا کہ تحریک حماس ملت فلسطین کے سلسلے میں اپنے فرائض اور ذمہ داریوں سے چشم پوشی نہیں کرے گی- انہوں نے مصر اور غزہ کے درمیان سرنگوں میں پانی چھوڑنے کے مصری اقدام پر تعجب کا اظہار کیا اور اس اقدام کو ہمسائیگی اور دو طرفہ تاریخی تعلقات کی اقدار کے منافی قرار دیا۔

اسماعیل ہنیہ نے مصر سے تاکید کے ساتھ کہا کہ وہ اس اقدام سے باز آجائے-