SAHAR

میڈیا رپورٹوں کے مطابق منگل کے روز اسلام آباد ہائی کورٹ کے دو رکنی بینچ نے سابق وزیراعظم میاں نواز شریف کی طبی بنیادوں پر سزا معطل کرنے اور ضمانت پر رہا کرنے سے متعلق درخواست سماعت کی۔ عدالت نے العزیزیہ ریفرنس میں سابق وزیراعظم نواز شریف کی سزا کو آٹھ ہفتے کے لیے معطل کرتے ہوئے طبی بنیادوں پر ان کی عبوری ضمانت کی منظوری دے دی ہے۔

عدالت کے فیصلے میں کہا گیا ہے کہ مزید ضمانت کے لیے عدالت سے رجوع کرنے کے بجائے پنجاب حکومت سے رجوع کیا جاسکتا ہے۔ 

قابل ذکر ہے کہ اسلام آباد کی احتساب عدالت نے دسمبر دوہزار اٹھارہ کو العزیزیہ ریفرنس میں سابق وزیراعظم کو سات سال قید بامشقت اور ڈھائی کروڑ ڈالر جرمانے کی سزا سنائی تھی، جس کے بعد سے وہ کوٹ لکھپت جیل میں بند تھے۔ 

اکیس اکتوبر کو جیل میں میاں نواز شریف کی صحت اچانک خراب ہونے کی اطلاعات سامنے آئی تھیں جس کے بعد انہیں لاہور کے سروسز ہسپتال منتقل کردیا گیا تھا۔