SAHAR

پاکستانی وزارت خارجہ کے اعلیٰ افسران اور سینیئر سفارتکاروں سے خطاب میں وزیر خارجہ شاہ محمود قریشی نے کہا کہ وقت کے ساتھ سفارتکاری کے تقاضے بھی بدل رہے ہیں۔

شاہ محمود قریشی نے مزید کہا کہ سفارتکاری کے جدید تقاضوں کے مطابق اپنے آپ کو ڈھالنے کی ضرورت ہے۔انھوں نے کہا کہ نوجوان افسران وزارت خارجہ اور ملک و قوم کا مستقبل ہیں۔

پاکستان کے وزیر خارجہ کا کہنا تھا کہ فارن سروس، کارگردگی کی بنیاد پر ملک کی موثر ترین سروس کے طور پر ابھر کر سامنے آرہی ہے۔ 

وزارت خارجہ کے افسران سے شاہ محمود قریشی کی ملاقات کے دوران، مختلف افسران اور شخصیات نے دنیا کے مختلف حصوں میں سیاسی، معاشی اور سماجی بنیادوں پر بہتر سفارتکاری کے مواقع کے بارے میں بحث کی صورت میں اپنے خیالات کا اظہار بھی کیا۔