SAHAR

پاکستانی فوج کے شعبہ تعلقات عامہ کے جاری کردہ بیان کے مطابق مسلح دہشت گردوں نے اتوار کے روز شمالی وزیرستان کے علاقے میران شاہ میں قائم ایک چیک پوسٹ پر اچانک حملہ کر دیا جس میں ایک فوجی اہلکار جاں بحق اور تین زخمی ہو گئے۔ فوجی اہلکاروں کے جوابی حملے میں پانچ دہشت گرد بھی ہلاک ہوئے ہیں۔

بیان میں یہ نہیں بتایا گیا کہ ہلاک ہونے والے دہشت گردوں کا تعلق کس گروپ سے ہے۔ عام طور پر پاکستان کے شمالی علاقوں میں تحریک طالبان پاکستان اور اس سے وابستہ دہشت گرد گروہ سرگرم ہیں۔

دوسری جانب پاکستانی فوج کے خفیہ ادارے آئی اس آئی نے صوبہ سندھ کے صدر مقام کراچی سے داعش کے چار خطرناک دہشت گردوں کو گرفتار کرنے کا دعوی کیا ہے۔ گرفتار ہونے والوں کے قبضے سے بھاری مقدار میں اسلحہ اور گولہ بارود بھی برآمد ہوا ہے۔ رپورٹ کے مطابق گرفتار ہونے والے دہشت گرد کراچی کے اہم تجارتی مراکز پر حملے کی منصوبہ بندی کر رہے تھے جسے ناکام بنا دیا گیا ہے۔