لاہور سے ایک دہشت گرد گرفتار
پاکستان کے محکمہ انسداد دہشت گردی کے اہلکاروں نے لاہور میں ایک خطرناک دہشت گرد کو اسلحہ و گولہ بارود کے ہمراہ گرفتار کر لیا ہے۔
پاکستانی میڈیا کے مطابق لاہور ریلوے اسٹیشن کے قریب کالعدم دہشت گرد تنظیم کے ایک دہشت گرد کو سی ٹی ڈی نے گرفتار کرلیا ہے-
محکمہ انسداد دہشت گردی سی ٹی ڈی کے مطابق اس دہشت گرد کے قبضے سے خود کش جیکٹ اور دستی بم برآمد ہوا- سی ٹی ڈی کا مزید کہنا ہے کہ گرفتار ہونے والا دہشت گرد اپنے خود کش حملہ آور ساتھی کا انتظار کر رہا تھا- محکمہ انسداد دہشت گردی کے مطابق خود کش حملہ آور نے حساس تنصیبات کو نشانہ بنانے کی منصوبہ بندی کر رکھی تھی -
اس سے قبل دو اگست کو بھی صوبہ پنجاب کے شہر بھکر میں سی ٹی ڈی نے ایک کارروائی کے دوران کالعدم تنظیم کے دو دہشت گردوں کو گرفتار کیا تھا - بھکر کے علاقے دریا خان سے کالعدم دہشت گرد گروہ تحریک طالبان پاکستان کے دو دہشت گردوں کو گرفتار کیا گیا تھا۔
