SAHAR

پاکستان کے وزیر اعظم عمران خان نے اسلام آباد روانگی سے قبل اتوار کی صبح بیجنگ میں چین کے صدر شی جن پنگ سے ملاقات کی ۔ 

اس سے پہلے سنیچر کو انھوں نے چین کے صدر شی جن پنگ کی طرف سے دیئے گئے ظہرانہ میں شرکت کی اور اس کے بعد اپنے چینی ہم منصب سے ملاقات کی تھی ۔

اس ملاقات میں باہمی روابط میں فروغ اور باہمی دلچسپی کے دیگر امور پر تبادلہ خیال کیا گیا۔ 

پاکستان کے وزیر اعظم عمران خان تین فروری کو سرکاری دورے پر بیجنگ پہنچے تھے ۔

انھوں نے اس دورے میں سرمائی اولمپک کی افتتاحی تقریب میں شرکت کی اور چینی حکام سے مختلف امور پر مذاکرات انجام دیئے ۔

عمران خان نے اپنے اس دورے میں، سرمائی اولمپک کی افتتاحی تقریب میں شرکت کے لئے موجود، بیجنگ میں موجود دنیا کے دیگر ملکوں کے رہنماؤں سے بھی ملاقات کی ۔