SAHAR

سوات کے جنگلات میں 4 مقامات پر آگ بھڑک اٹھی، شانگلہ کے مقام پر آگ لگنے سے خواتین سمیت 4 افراد جاں بحق ہوگئے۔

پولیس کا کہنا ہے کہ جنگلات میں آگ لگنے سے پہاڑوں پر موجود گھر بھی لپیٹ میں آگئے، امدادی کارروائی جاری ہے۔

لوئر دیر میں بھی پہاڑی جنگلات میں آگ لگ گئی، آگ بجھانے کی کوششیں جاری ہیں۔

ریسکیو ترجمان کا کہنا ہے کہ  آگ تیزی سے پھیل رہی ہے، لوگ آگ بجھانے کے لئے روانہ ہوگئے ہیں۔

ریسکیو ذرائع کا کہنا ہے کہ تحصیل بریکوٹ کے علاقے ابالا کے پہاڑوں میں بھی آگ لگی ہوئی ہے۔

چارباغ کے علاقے کوٹ کے پہاڑی جنگلات میں بھی آگ پھیل رہی ہے، جنگلات میں لگی آگ پر قابو پانے کی کوشش جاری ہے۔

واضح رہے کہ دو ہفتے قبل بلوچستان  کے جنگلات میں بھی آگ لگی تھی جسے کافی دنوں بعد ایران کے تعاون سے بجھا دیا گیا۔