عمران خان کی اپیل، سپریم کورٹ وزیراعلیٰ پنجاب کے انتخاب کیلیے حکم امتناع دے
پاکستان تحریک انصاف کے چیئرمین اور سابق وزیر اعظم عمران خان نے سپریم کورٹ سے وزیراعلیٰ پنجاب کے انتخاب کے لیے حکم امتناع کی اپیل کرتے ہوئے کہا کہ ہمارے 6 اراکین اسمبلی حج ادائیگی کے لیے سعودی عرب میں ہیں۔
سحر نیوز/ پاکستان: پاکستان تحریک انصاف (پی ٹی آئی) چیئرمین کی زیرصدارت پارٹی رہنماؤں کا اجلاس ہوا جس میں عدالتی فیصلے پر تفصیلی تبادلۂ خیال کیا گیا۔
اجلاس کے بعد پنجاب کے آئینی بحران پر چیئرمین پاکستان تحریک انصاف نے پالیسی بیان دیا جس میں انہوں نے عدالتی فیصلے پر پاکستانیوں کو مبارک باد دیتے ہوئے کہا کہ ’ہم سب کو پتا تھا وزیر اعلی’ پنجاب کا الیکشن غیر آئینی تھا اور حمزہ شریف کو اتنی دیر تک پنجاب کا وزیر اعلی رہنے کا کوئی حق نہیں تھا۔
انہوں نے کہا کہ لاہور ہائی کورٹ کے فیصلے میں وضاحت نہیں ہے، مجھے خوف ہے کہ اگر عدالتی فیصلے کی وضاحت نہ آئی تو پاکستان میں آٗینی بحران مزید بڑھ جائے گا‘۔
عمران خان نے کہا کہ حمزہ شریف کس قانون کے تحت وزیر اعلی’ رہ سکتے ہیں، ہم اس کی وضاحت لینے سپریم کورٹ جا رہے ہیں اور سپریم کورٹ سے اپیل ہے کہ وہ الیکشن پر حکم امتناع دے کیونکہ ہمارے 6 ممبر حج ادائیگی کے لیے سعودی عرب گئے ہوئے ہیں۔
