پاکستان: سیکیورٹی فورسز کے آپریشن میں 6 دہشت گرد ہلاک
Jul ۳۰, ۲۰۲۲ ۱۲:۲۲ Asia/Tehran
پاکستان کے صوبہ بلوچستان کے ضلع کیچ کے علاقے ہوشاب میں سیکیورٹی فورسز کے آپریشن میں 6 دہشت گرد ہلاک ہوگئے، فائرنگ کے تبادلے میں حوالدار ہدایت اللّٰہ جاں بحق اور نائیک میر محمد زخمی ہوگئے۔
پاکستانی فوج کے شعبۂ تعلقات عامہ (آئی ایس پی آر) کے مطابق تمام دہشتگرد سیکیورٹی فورسز کے ساتھ فائرنگ کے تبادلے میں مارے گئے، جن کے قبضے سے اسلحہ و گولہ بارود کا بڑا ذخیرہ برآمد ہوا۔
آئی ایس پی آر کے مطابق سیکیورٹی فورسز نے موٹرسائیکلوں پر سوار دہشتگردوں کی موجودگی پر آپریشن کیا۔ علاقے کی ناکہ بندی کر کے دہشت گردوں کو پکڑنے کے لیے سرچ آپریشن کیا گیا۔
سیکیورٹی فورسز نے دہشت گردوں کی گرفتاری کیلئے علاقے کو گھیرے میں لیا تو دہشگردوں نے سیکیورٹی فورسز پر اندھا دھند فائرنگ شروع کر دی۔
