SAHAR

پاکستان کے کرکٹ ہیرو اور سابق وزیر اعظم عمران خان نے قطر فٹبال ورلڈ کپ کے لئے نیک خواہشات کا اظہار کیا ہے ۔

پاکستانی میڈیا رپورٹوں کے مطابق پاکستان کے سابق وزیر اعظم عمران خان نے فیفا ورلڈ کپ دو ہزار بائیس کے آغاز کے موقع پر سوشل میڈیا پر ایک پیغام جاری کیا ہے۔
انھوں نے اپنے پیغام میں لکھا ہے کہ یہ پہلا موقع ہے جب دنیا کے کھیلوں کے سب سے بڑے مقابلے کی میزبانی ایک مسلمان ملک کررہا ہے ۔
عمران خان نے فٹبال ورلڈ کپ میں حصہ لینے والی دنیا کی تمام ٹیموں کے لیے نیک تمناؤں کا اظہار بھی کیا ہے۔
قابل ذکر ہے کہ عمران خان ایک طویل عرصے تک پاکستان کی قومی کرکٹ ٹیم کے کپتان رہ چکے ہیں ۔ ان کی کپتانی میں پاکستان کی کرکٹ ٹیم نے کئی اہم کامیابیاں حاصل کی ہیں ۔ عمران خان کا شمار دنیا کے بہترین کھلاڑیوں میں ہوتا ہے۔