SAHAR

پاکستان کی وزارت خارجہ نے افغانستان میں ٹی ٹی پی کے ٹھکانوں پر بمباری کرنے کی تردید کی ہے۔

سحرنیوز/پاکستان: پاکستان کی وزارت خارجہ نے جمعے کے روز جاری کردہ اپنے بیان میں ان خبروں کو مسترد کردیا ہے جن میں دعوی کیا گیا تھا کہ پاکستانی جیٹ فائٹروں نے افغانستان میں تحریک طالبان پاکستان کے ٹھکانوں پر بمباری کی ہے۔ پاکستان کی وزارت خارجہ کے بیان میں ایسے کسی بھی دعوے کو بے بنیاد قرار دیا گیا ہے۔
یہ ایسی حالت میں ہے کہ بعض ذرائع ابلاغ نے گذشتہ روز افغانستان کے صوبہ ننگرہار کے گوشتہ شہر میں فضائی حملے کی رپورٹ دی تھی۔
یاد رہے کہ تحریک طالبان پاکستان نے کچھ عرصے قبل پاکستان حکومت کے ساتھ ہونے والی جنگ بندی کے معاہدے کو کالعدم قرار دیتے ہوئے پاکستان کے مختلف علاقوں میں دہشت گردانہ حملے شروع کردیئے ہیں۔