SAHAR

پاکستان کی سپریم کورٹ نے حکومت سے ملک میں سیاسی درجہ حرارت کم کرنے کی یقین دہانی طلب کرلی ہے۔

سحر نیوز/ پاکستان: سپریم کورٹ آف پاکستان نے حکومت سے یہ یقین دہانی، ملک کے دو صوبوں میں انتخابات کے التوا کے خلاف اپوزیشن کی دائر کردہ درخواست کی سماعت کے دوران طلب کی ۔ آج کی سماعت میں الیکشن کے التوا کے حوالے سے الیکشن کمیشن اور حکومت پاکستان کے وکلا نے اپنے دلائل پیش کیے اور عدالت کو بتایا کہ سیکورٹی کی صورتحال کے پیش نظر انتخابات کی تاریخ آگے بڑھائی گئی ہے۔

سپریم کورٹ کی پانچ رکنی بینچ نے آج کی سماعت مکمل ہونے پر حکومت سے سیاسی درجہ حرارت کم کرنے کی یقین دہانی مانگ لی اور کیس کی سماعت کل تک ملتوی کر دی۔