پنجاب میں شدید بارشوں کے دوران حادثات، درجنوں افراد زندگی کی بازی ہار گئے
سیکرٹری ایمرجنسی سروسز رضوان نصیر: پنجاب میں بارشوں سے چھتیں گرنے اور کرنٹ لگنے کے واقعات جان لیوا ثابت ہوئے
سحرنیوز/پاکستان: پنجاب میں شدید بارشوں سے 119 افراد جاں بحق سیکرٹری ایمرجنسی سروسز پنجاب، ڈاکٹر رضوان نصیر نے بتایا کہ 17 جولائی کے بعد چکوال، جہلم، راولپنڈی اور لاہور میں بارشوں سے چھتیں گرنے اور کرنٹ لگنے کے واقعات میں قیمتی جانیں ضائع ہوئیں۔ ریسکیو ٹیمیں بروقت نکاسی آب میں مصروف رہیں جبکہ پی ڈی ایم اے اور ضلعی انتظامیہ کے ساتھ مل کر حالات پر قابو پایا جا رہا ہے۔ انہوں نے شہریوں کو احتیاطی تدابیر اختیار کرنے کا مشورہ دیا، اور بتایا کہ تجاوزات کے خاتمے، اربن فلڈنگ پر قابو پانے، اور مستقبل کے لیے ڈیٹا جمع کیا جا رہا ہے۔
عوام کے لیے احتیاطی تدابیر حکام نے عوام سے اپیل کی ہے کہ بارشوں کے دوران بچوں کو محفوظ رکھیں، بجلی کے کھلے ذرائع سے دور رہیں، اور اپنے گھروں کی چھتوں کا معائنہ ضرور کریں تاکہ مزید نقصان سے بچا جا سکے۔
