پاکستان میں اپوزیشن اتحاد کا مجوزہ اجلاس
Jul ۲۵, ۲۰۲۵ ۰۶:۵۸ Asia/Tehran
تحریک تحفظ آئین پاکستان نے اکتیس جولائی کو اسلام آباد میں آل پارٹیز کانفرنس بلانے کا فیصلہ کیا ہے۔
سحرنیوز/پاکستان: تحریک تحفظ آئین پاکستان کے سربراہ محمود خان اچکزئی نے کہا ہے کہ اپوزیشن اتحاد کا مقصد حکومت کو عوامی طاقت سے ختم کرنا ہے اور یہ اتحاد کھیل تماشے کے لیے نہیں بنایا۔انہوں نے پریس کانفرنس کے دوران کہا کہ غیرجانبدار الیکشن کمیشن کے ذریعے عوامی نمائندگی کو تسلیم کیا جائے۔ ان کا کہنا ہے کہ پاکستان میں جمہوریت ہوتی تو مخصوص نشستوں والا فیصلہ نہ آتا، ان کے بقول پاکستان میں عوام کے ساتھ گھناؤنا کھیل کھیلا جارہا ہے۔ تحریک تحفظ آئین پاکستان کے سربراہ محمود خان اچکزئی نے کہا ہے کہ غزہ میں قتل عام ہوا اسرائیلی وزیرِ اعظم کو عالمی عدالت سے سزا ہونی چاہیے۔
