اطلاعات کے مطابق پاکستان میں جے یو آئی، جمعیت علمائے اسلام (ف)، نے صوبۂ خیبر پختونخوا کے نومنتخب وزیراعلیٰ سہیل آفریدی کے انتخابی عمل کو چیلنج کر دیا ہے اور نومنتخب وزیراعلیٰ کے انتخاب کو غیرقانونی قرار دیا ہے۔

سحرنیوز/پاکستان: پاکستانی میڈیا رپورٹوں کے مطابق جے یو آئی (ف) کے صوبائی اسمبلی کے رکن لطف الرحمان نے پشاور ہائی کورٹ میں اس سلسلے میں درخواست دائر کی ہے۔ درخواست میں کہا گیا ہے کہ علی امین گنڈاپور کا استعفیٰ منظور نہیں ہوا اور دوسرے وزیراعلیٰ کا انتخاب ہو گیا، نومنتخب وزیراعلیٰ سہیل آفریدی کے انتخاب کا عمل غیرقانونی و غیرآئینی ہے۔

جے یو آئی (ف) کی جانب سے دراخواست میں استدعا کی گئی کہ سہیل آفریدی کے بطور وزیراعلیٰ کے انتخاب کے عمل کو کالعدم قرار دیا جائے۔

واضح رہے کہ گزشتہ روز پی ٹی آئی امیدوار محمد سہیل آفریدی کو خبیر پختونخوا کا نیا وزیراعلیٰ منتخب کیا گیا تھا جبکہ اپوزیشن نے اسمبلی سے واک آؤٹ کیا تھا۔

صوبۂ خیبر پختونخوا اسمبلی کا اجلاس اسپیکر بابر سلیم سواتی کے زیر صدارت منعقد ہوا تھا، جس میں سہیل آفریدی کو 90 اراکین صوبائی اسمبلی نے منتخب کیا تھا۔